اه يا ساعتي البيولوجية ياني

أكتب لكم اليوم في خضم الانتخابات والامتحانات وزيارة الحبر الأعظم للأرض المقدسة وخلافه، عن ساعتي البيولوجية.

حد يقولي ده موضوع غريب جدا تتكلمي فيه.

أقول عادي ليس أغرب من معظم ما يحدث في عالمنا.

بس احب أوضح مبدئيا ان انا مقاطعة الانتخابات احتجاجا على تسجيلي في اللجنة الانتخابية في مدرسة التجمع الخامس في حين ان فيه جنبي في التجمع الأول 3 او 4 مدارس غير مركز الشباب والناس عارفين كويس ان مافيش مواصلات مباشرة بين التجمعات وبعض، ده غير ان عدم تخطي المرشحين لعدد 2 عامل حاجز بيني وبين رغبتي الشديدة في ممارسة حقي الانتخابي.

بالنسبة بقى لموضوع ساعتي البيولوجية.

يبدو والله اعلم ان فيه حد عبقري في حكومتنا شديدة الدهاء نسي ان أيام ما كان فيه توقيت صيفي لحد قبل الثورة على طول الناس كانت بتسهر لحد الساعة 2 بعد نص الليل عالاقل وبتصحى تاني يوم تروح شغلها عادي وظن خطأً ان إعادة التوقيت الصيفي هايساهم في حل مشكلة الكهربا اللي عواميد النور اللي شغالة في عز الظهر مابتأثرش فيها خالص.

10 أيام من ساعة ما رجع التوقيت الصيفي باحاول اتأقلم ومش عارفة.

مهما نمت بدري برضه باصحى بالعافية وبضبط 3 منبهات مختلفة.

ده غير احساسي الدائم ان طول ما انا صاحية ان انا لسة ماصحتش أصلا وده مؤشر لإنخفاض ضغط الدم اللي هو أصلا عندي منخفض بشكل وراثي. او يمكن هو انخفض اليومين دول بسبب اللي بيحصل واللي بنشوفه في الاخبار بس صادف وافق أيام ارتباك الساعة البيولوجية الناتج عن قرار سياسي غشيم وغير مدروس؟؟ مش متأكدة

بس كل اللي هاقدر أقوله دلوقتي هو الدعاء بإن ربنا يلهم الجميع الصبر ويزيح البلاء واستعجل عودة رمضان على امل عودة التوقيت الطبيعي وعودة الحياة والساعة البيولوجية لطبيعتهم.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s