توضيح مواقف

الأخوان اسقطوا انفسهم وانشغلوا بحلم التمكين لأنفسهم في الحكم عن الوطن والدين واي حاجة تاني لكن قبل ما نخوض في تفاصيل ده او نقارن بيهم وبين التيارات السياسية التانية في حصيلة الاخطاء

في وسط هذا كله احب اسجل موقفين
الموقف الاول كان من حوالي سنة في كلية الهندسة جامعة عين شمس
الدنيا كانت اجازة ومافيش محاضرات ولا سكاشن لكن كان فيه تربية عسكرية ومشاريع تخرج واجراءات نقل وتقديم .. الناس راحوا ومنهم اختي عشان يعملوا حاجتهم لقوا الكلية مبدورة ناس بلبس سبعينات والكلية مقفولة والطلبة حالهم واقف وممثلين وكاميرات وخلافه من جراء تصوير مسلسل تجري احداثه في فترة السبعينات داخل حرم الكلية دون مراعاة لحال الطلبة اللي الوضع ده وقفه
الطلبة اللي معظمهم مالهمش انتماء سياسي اتصلوا برئيس اتحاد الطلبة اللي مالوش انتماء سياسي واشتكوله قام راح لعميد الجامعة اللي برضه مالوش انتماء سياسي عشان يوقف الوضع المستفز ده
قبل الممثلين يلموا عزالهم من الكلية كان فيه برنامج عالهوا بيزعم ان الاخوان هما اللي طردوا فريق عمل المسلسل من الكلية ولما الاستاذ الدكتور عميد الجامعة اتصل عشان يوضح الخطاء ماردوش عليه لأنهم عارفين الحقيقة وعارفين انها مش هاتجيبلهم اعلانات :/
الموقف الثاني حصل يومين بس 4 طلبة في هندسة عين شمس قسم ميكاترونيكس _اصعب قسم في اصعب كلية في اصعب جامعة فيكي يا مصر_ قاعدين في شقة بيظبطوا الروبوت اللي هما بيعملوه لمشروع تخرجهم واتنين منهم من كتر ما طالعان عينهم في الشغل والمذاكرة قعدوا كام يوم مايحلقوش وفي وسط ماهما بيظبطوا الروبوت دايرة كهرباية انفجرت وده حادث شائع
مش هاخوض في التفاصيل بس هما اتحبسوا مستقبلهم كان هايضيع وجريدة من ازبل جرايد مصر كتبت بتقول القبض على اربع من كتائب القسام بحوزتهم مواد كيمائية واسلحة
اتمنى من قلبي ان عميد الكلية ودكاترة المشاريع اللي دبوا المشوار اللي قسم الشرطة بنفسهم يكونوا قدروا يعملوا حاجة للولاد لأن مناقشة المشاريع النهارده ولو مارحوش ممكن مستقبلهم يضيع

اللي احب اطلع منه اننا بمقاييس الاعلام الصحيحة احنا لا عندنا اعلام ولا اعلاميين واتحدى اي صحفي او مذيع او معد برامج يقولي عكس كده فياريت قبل ما نحكم على حاجة انها صح او غلط نفكر فيها بعقلنا

بعقلنا مش بوددانا يا بغبغنات

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s