اخر ما اقول عن السياسة .. لحد ما تعقلوا يا مصريين

قراءي المعدودين احييكم وازف لكم اخر ما سأكتب عنه في السياسة في هذه الظروف لو أعاود الكتابة في السياسة الا بعد انتهاء ما يحدث واجري في هذا على المولى القدير

اللي هايسألني ان تبعنا ولا تبع الناس التانيين قاصدا بهذا تياره السياسي وتيار الخصوم هاقوله كل قياداتكم طماعين وولاد تيت وكل اللي ماشيين وراهم منكم .. ربنا امر بالستر

اللي هايسألني اني بلاك بلوك ولا وايت بلوك هاقوله : مين دول اصلا؟؟ بلا وجع دماغ وكلام فاضي

اللي هايسألني انتي مع ولاضد مطلب اسقاط الدكتور مرسي هاقوله انا مع اسقاطه بالقانون يعني ان شاء الله كده في الانتخابات الجاية هاشوف انهي مرشح في دايرتي هايطرح عزل الرئيس الحالي واعادة الانتخابات الرئاسية في البرلمان المنتخب وهانتخبه لأني عارفة ان المحروس الدكتور مرسي لو وقع بالمظاهرات الاسلاميين هايقعوا اللي هايجي بعده بالمظاهرات برضه وفقراء مصر هما اللي هايطحنوا

اللي هايسألني انتي متفائلة ولا متشائمة هاقوله انا متفائلة جدا جدا جدا .. وسبب تفائلي وسعادة ايامي طبعا ان انا بطلت اتفرج عالتلفزيون واقرا جرايد نهائيا وباروح بانتظام للبحث عن شحنة امل من خلال العمل الخيري التطوعي في اكتر جمعية خيرية خدت شتيمة واشاعات واتهامات باطلة بالنصب والانتماء السياسي في مصر ذات الثقافة التطوعية المتدنية و60% نسبة فقر واللي هايقولي انضمي لحزب هاعوره .. واخد بالك ياللي فبالي؟؟

واخيرا وكما هوه الحال في كل بوست سياسي اللي هايقولي ان رجال تياره السياسي مغلطوش او ان رئيس حزبه ده خط احمر وملاك لا يخطئ بالبلوك اللي لا هوه وايت ولا بلاك بس نهائي وفعال وفوشه

Advertisements

One thought on “اخر ما اقول عن السياسة .. لحد ما تعقلوا يا مصريين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s