عن حادث اسيوط وماتش الاهلي وجزيرة القرصاية

أولا خالص تعازينا لأسر ضحايا حادث اسيوط ولا عزاء لسواق الباص المستهتر اللي الوصول بسرعة كان اهم عنده من سلامة الاطفال اللي معاه ولا لعامل المزلقان المستهتر اللي كان فاتح المزلقان ولا هيئة سكك حضيض مصر اللي قالت عليها مسؤولة في تطوير خطوط السكك الحديد في الاتحاد الاوروبي سنة 2008 ان وصول قطار بدون حادثة في مصر مصادفة لا يمكن استيعابها

واظن جه الوقت ان القطارات دي تروح في اي حتة ويجي بدالها قطارات مطابقة للمواصفات وينشئ مزلقانات مطابقة للمواصفات

ثانيا بالنسبة للناس اللي احتفلوا بفوز الاهلي بصوت عالي في الشوارع وزحموا الدنيا وهما بيتسقبلوهم في المطار دون مراعاة ظرف الحداد اللي فيه البلد والوضع الصعب في الوطن العربي كله اللي احنا على فكرة جزء منه وبنتأثر باللي بيحصل فيه

هما البعدا عندهم عيال زي العيال اللي ماتوا دول بيخافوا عليهم وكده يعني زي البني ادمين؟؟

الرياضة شيء جميل وتشجيع الرياضة بدون تعصب شيء جميل بس الاجمل من ده كله هو اخلاق الرياضة اللي اظن انها ضاعت

واخير واللي بيحصل في جزيرة القرصاية اللي الفلوس اللي ممكن تيجي من انشاء منتج سياسي فيها اهم عند جيش طنطاوي وداخلية العادلي من حياة الناس

سمعت انه من كام سنة الجيش عمل عاملة سودة زي اللي بتحصل اليومين الدول ولما دخل الجزيرة رفع عليها علم مصر!!هي القرصاية كانت محتلة؟؟

والناس اللي بتتريق عالموضوع وبتقول ان اهل الجزيرة هما بيبلطجوا .. على فرض ان ده صحيح وهو للعلم غير صحيح بالمرة لو شايف جنابك من له ان ده مبرر ديني واخلاقي وانساني وقانوني للمهزلة اللي بتحصل دي تبقى ………….. ولا بلاش

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s