مفهوم مبدأ(الراجل راجل و الست الست)بين زمن الأحترام المتبادل و زمن ال…….. المتبادل .. 17اغسطس2011

مبدئيا احب اوضح ان انا من اشد انصار مبدأ الراجل راجل و الست ست
آه………مالكم؟اتخضيتم من كلامي ليه؟اصبروا عليا و هافهمكم
بس الأول اقولكم ايه هوه من وجهة نظري زمن الأحترام المتبادل هذ الزمن الجميل الرائع من زجهة نظري هوه الزمن اللي الرسول صلى الله عليه و سلم كان بياخد فيه زوجاته و نساء الصحابة معاه للغزوات لتمريض الجرحى و اطعام و سقاية الجنود كنوع من العمل العام اللي الرسول صلى الله عليه و سلم كان يعرف اهميته للنساء و خصوصا اللي في سن معين كانت بتمر بيه وقتها أمنا عائشة رضي الله عنها هوه الزمن اللي قامت بيه السيدة الشيماء اخت الرسول في الرضاعة رضي الله عنها بدورها الرائد في الدعوة لدين الله و هوه الزمن اللي قامت فيه السيدة نسيبة بنت كعب رضي الله عنها رجال هذا العصر مايحلموش بيه في حماية الرسول صلى الله عليه و سلم في غزوة أحد هذا هوه زمن الأحترام المتبادل بين الرجل و المرأة و اللي بعده الأوضاع بين الرجال و النساء كانت بتتحسن او تسوء حسب انتشار الفهم الصحيح للدين بين الناس رجالا و نساءا
اما بقى عن قصدي بمبدأ الراجل راجل و الست ست فده مش معناه ان لا سمح الله حد منهم احسن من التاني لأن اللي بيقول كده يبقى جاهل تيييييييت و مسانعش قول الرسول صلى الله عليه و سلم(النساء شقائق الرجال)لكن قصدي بمبدأ الراجل راجل و الست ست هوه ان فيه حاجات الست تقدر تعملها و الراجل مايقدرش و فيه حاجات الراجل يقدر يعملها و الست ما تقدرش و ده لضرورة التوازن في خلق الأنسان عشان كده نلاقي ربنا سبحانه و تعالى لا خلق حوا من عظمة من رأس آدم عشان ماتركبهوش و تدلل و ماخلقهاش من عظمة من رجله عشان مايستعبدهاش انما خلق حوا من ضلع آدم عشان تبقى مساوية ليه و قريبة من قلبه عشان يحبها و تحت جناحه عشان يحميها فبتالي آدم و حوا نقيضين متكاملين زي تقريبا اي عنصرين تانيين على الأرض
في زمن ال……المتبادل بقى و اللي اقصد بيه جيلي بس عشان الناس الكبار ماتزعلش الولد من دول يروح المدرسة يلاقي زميلته فلانة متفوقة عنه و الشاب من دول يروح الجامعة يلاقي زميلته المحجبة اللي مابتدلوش وش لا معبرا اهله متفوقة عنه و الراجل من دول يروح الشغل يلاقي زميلته علانة اللي لا بتقبل هزار مع رجالة و بتتكلم معاهم فيما يتعدى العمل متفوقة عنه و يروح يشوف جوزها و هوه بيوصلها من قدام شغلها يلاقيه فرحان و فخور بيها فيستنتج ان زميلته المتفوقة في العمل متفوقة كمان في حياتها الزوجية و ان هوه حظه في الجواز نحس فيتعقد في عيشته و مين يطلع فيه عقده من الستات غير الستات
و من هنا بقى عادي جدا اننا نشوف حالات تحرش فردي او جماعي على ابواب معاهد للدعاة او لتحفيظ القرأن و بقى عادي اكتر اننا نسمع عن راجل موت مراته او بنته من الضرب و بقى عادي اكتر و اكتر ان بنت تنشر خبر او معلومة سياسية على جروب و تلاقي واحد سطحي يعلق قائلا(انتي مش محتاجة سياسة انتي محتاجة رومانسية)ده غير طبعا سخريتهم من النساء صاحبات الفكر و العلم و هنا تجيله فكرة انه يتجاهل كل ما سلف ذكره في هذا البوست عن سيرة الرسول صلى الله عليه و سلم عن النساء و حقيقة ان علماء السلف زي البخاري كانوا بياخدوا علمهم من النساء العالمات زي ما كانوا بياخدوا من الرجال و يبدأو في تأويلهم الشخصي لبعض ايات القرأن(اللي ماقروش تفسيرها في كتب حتى)بما يتناسب مع عقدهم
و للأسف و على الرغم من ان الصورة على أرض الواقع مش غامقة اوي كده الا ان كثرة و تزايد هذه الظواهر حسست الواحدة مننا ان مافيش أمل في شباب الجيل ده
بقينا حاسين ان الراجل اللي بيحترم مراته هوه الأستثناء و ان عدم الأحترام هوه القاعدة
بقينا حاسين ان احترام الراجل لعقلية زميلته في الجامعة او الشغل هوه الأستثناء مش القاعدة
بقينا حاسين ان البنت اللي مابتتعرضش لتحرش(هوه فيه انثى ماتعرضش لتحرش في مصر اصلا و لا انا بدأت اخرف)
المهم و الخلاصة ان نسبة مش قليلة من بنات جيلي يئسوا من الشباب بس رؤيتهم لواحد في الشارع شايف ست لابسة نقاب اسود و شايلة شنط تقلية راجعة بيهم بيتها و بدل ما يروح يساعدها يتحرش بيها و من كتر ما بنسمه و بنشوف شباب ماعندهمش اي احترام لأي بنت او ست و شباب تانيين يتكلموا مع البنات العديين كويس اوي بس قططه الفاطسة تطلع لما تيجي سيرة واحدة ست مشهورة بسبب اجتهادها و ايجابيتها على مواقع التواصل الأجتماعي

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s